LYNX 4 tøkt - og á føroyskum

Skriva út
PDF

Lynx 4Talvuforritið, Lynx, sum fæst ókeypis við CleverBoard talvum, er nú komið í nýggjari útgávu - Lynx 4.

Lynx 4 er ikki ein dagføring av Lynx 3.5.x, men hinvegin eitt heilt nýtt forrit. Orsøkin er, at Lynx 4 er forritað við einum nýggjari og meira framkomnum forritanarmálið .... nú bleiv hetta kanska nokkso tekniskt, men fyri brúkaran merkir tað, at Lynx nú oftari kemur at fáa nýggj amboð og tilfar lagt afturat.

Umsett til føroyskt

Eini onnur stór tíðindi í sama viðfangi eru, at Lynx 4 er umsett til føroyskt. Soleiðis kunnu allar føroyskir CleverBoard-brúkarar nú undirvísa við einum føroyskum forriti.

Forritið verður leypandi dagført, og soleiðis eisini umsetingin, og tí frætta vit fegin um tit koma fram á møguligar villur ella um tit kanska hava viðmerkingar til føroysku orðingarnar. Ikki tykkum at siga, so er tíðum trupult at raka rætta føroyska orðið, tá ið serliga tekniskur útlendskur tekstur skal umsetast.

Hvussu tit fáa Lynx 4?

Jú, allir verandi CleverBoard kundar hava rætt til ókeypis at fáa Lynx 4.

Forritið kann heintast undir "Brúkarahjálp - Download" í menu´ini í erva. Serligur Lynx 4 lisens-lykil skal til - skriva til okkum um tit eru verandi CleverBoard-brúkarar og ynskja at fáa Lynx 4.

Lynx 4 er sum so ikki læst at nøkrum ávísum merki av samvirknum talvum, so hava aðrir talvubrúkarar hug á Lynx, so ber til at keypa forritið serskilt.

Tað ber væl til bæði at hava Lynx 3.5.x og Lynx 4 liggjandi á somu teldu.

 

Nýggjar funkur í LYNX

Skriva út
PDF

Nýggja LYNX 4 hevur fingið onkrar nýggjar funkur. Tað koma javnan nýggj amboð og nýggjar funkur, og LYNX heintar hesar sjálvvirkandi um forritið er sett upp til tað.

Powerpoint fílur í LYNX

LYNX kann nú bæði lata upp Powerpoint fílur og eisini goyma LYNX fílur í Powerpoint formati. Serliga hetta fyrra gevur víðkaðar møguleikar til Powerpoint við tað, at tú nú kanst skriva viðmerkingar og líknandi beinleiðis í Powerpoint fíluna.

Tak LYNX framløguna upp á video

Nú ber eisini til at taka upp allar hendingar á video og so at spæla hesar av aftur. LYNX upptekur alt tað, sum tú gert við músini og goymir hetta sum eina video-fílu,

LYNX 4 ávegis

Skriva út
PDF

Talvuforritið LYNX, sum CleverBoard brúkarar nýta, er ávegis í nýggjari útgávu: LYNX 4.

Forritið er klárt og nakrir skúlar hava longu fingið eina royndarútgávu, men í løtuni verður arbeitt við at umseta LYNX til føroyskt, og bíðað verður nú til at viðmæla dagføring til LYNX 4 til føroyska útgávan er klár. Væntandi verður hetta innanfyri fáar vikur.

LYNX verður harvið fyrsta talvuforritið til samvirknar talvur, ið verður á føroyskum og verða tað vónandi fleiri við okkum, sum gleðast um hetta framstig.

LYNX 4 er grundað á heilt nýggja tøkni í mun til verandi LYNX 3.5x, og ger hetta tað nógvar ferðir høgligari at menna og leggja afturat nýggj amboð og nýggjar hentleikar. So hóast LYNX 4 einamest er øðrvísi í útsjóndini at byrja við, so leggjast nýggir møguleikar afturat enn oftari enn áður.

Allir CleverBoard-kundar hava rætt til ókeypis dagføring til LYNX 4 og vit koma her á síðuni at boða frá tá ið útgáva er tøk.

 

Vælkomin til CLEVER

Skriva út
PDF

Nú kunnu vit ikki krógva okkum longur. Mekta hevur royndir og sína bakgrund innan KT í breiðum høpi, men hugurin og hjarta hevur altíð havt serligan alsk til undirvísing, framburð og so eisini tøkni, ja.

"KT í undirvísing og undirvísing í KT"

Við CLEVER arbeiða vit nú við júst tí, sum vit brenna fyri: KT í undirvísing og undirvísing í KT.

Vit bjóða KT og tekniska útgerð, frálæru í brúki av útgerðini og alt tað sum liggur harímillum, undir, uppi yvir og uttanum.